នៅថ្ងៃទី ២៥-២៦ ខែឧសភា ឆ្នាំ២០១៧ គម្រោងស្បៀងអាហារសម្រាប់ការអប់រំ (FFE) បានរៀបចំបើកវគ្គតម្រង់ទិសដល់សិក្ខាកាមដែលអញ្ជើញមកពីសាលាគរុកោសល្យ និងវិក្រឹតការខេត្តសៀមរាប មន្ទីរអប់រំ យុវជន និងកីឡា ខេត្តសៀមរាប សាលាគរុកោសល្យ និងវិក្រឹតការខេត្តកំពង់ធំ និងមន្ទីរអប់រំ យុវជន និងកីឡា ខេត្តកំពង់ធំ។ វគ្គតម្រង់ទិសនេះមានបំណងកសាងសមត្ថភាពសិក្ខាកាម ដែលនឹងត្រូវយកទៅបង្រៀនបន្តដល់គ្រូបង្រៀនថ្នាក់ទី១, ២, ៣ បណ្ណារក្ស អ្នកដឹកនាំក្រុមបច្ចេកទេស នាយកនិងនាយករងសាលានៅក្នុងខេត្តសៀមរាប និងកំពង់ធំ។ វគ្គតម្រង់ទិសនេះមានអត្ថប្រយោជន៍ខ្លាំងណាស់សម្រាប់សិក្ខាកាមទទួលបានវិធីសាស្រ្តនៃបច្ចេកទេសបង្រៀនថ្មីៗ។