នៅក្នុងចន្លោះខែ កញ្ញា និងខែវិច្ឆិកា អង្គការ ខេប បានបង្កើតបណ្ណាល័យ
ឱ្យសាលាគោលដៅទាំង ៩ នៅក្នុងខេត្តព្រៃវែង និងខេត្តស្វាយរៀង  ។​
ការសម្របសម្រួលពីអន្តរាគមន៍គម្រោង REACH បានធ្វើឱ្យបរិស្ថានសិក្សា
របស់សិស្ស និងការបង្រៀនរបស់គ្រូ មានការប្រែប្រួលល្អប្រសើរ ។
បណ្ណាល័យទាំងអស់នេះនឹងជួយលើកកម្ពស់សមត្ថភាពអានរបស់សិស្ស
និងការបង្រៀនរបស់លោកគ្រូអ្នកគ្រូកាន់តែប្រសើរឡើង ដែលអាចធ្វើឱ្យ
សិស្សរៀបចំផែនការសកម្មភាពថ្មីៗទាំងក្នុង និងក្រៅថ្នាក់រៀនបាន ។

នៅក្នុងឆ្នាំសិក្សា ២០១៣-២០១៤ គម្រោង REACH បានធ្វើផែនការបង្កើត
ឫច្នៃប្រឌិតបណ្ណាល័យនៅក្នុងសាលាគោលដៅទាំង ២៥ ។ អន្តរាគមន៍នេះ
រួមមាន ការជួសជុលអគារតូច ផ្ទាំងគំនូរ ជួសជុលកំរាលឥដ្ឋ និងផ្តល់សម្ភារៈ
សិក្សាជាច្រើនទៀត ដូចជា សៀវភៅ តុ ទូរដាក់សម្ភារៈរៀន និងបង្រៀន និង
ទូរដាក់សម្ភារៈរដ្ឋបាល ។ គម្រោង REACH បានផ្តល់ជាវគ្គបណ្តុះបណ្តាល
ដល់នាយកសាលា និងបណ្ណារក្សអំពីការចងក្រងសៀវភៅ និងព័ត៌មាន
ការរៀបចំ និងលើកកម្ពស់បរិស្ថានបណ្ណាល័យ ដែលធ្វើឱ្យសិស្សចូលចិត្ត
រៀនពីប្រភពធនធានថ្មីៗ ។