ការគាំទ្របច្ចេកទេសអំពីវិធីសាស្ដ្រការបង្រៀននិងរៀនដល់សាលារៀនគោលដៅ គឺជាសកម្មភាពដ៏សំខាន់មួយរបស់គម្រោងកុមារកម្ពុជារីករាយដើម្បីធ្វើយ៉ាងណាឱ្យកុមារនៅតំបន់ដាច់ស្រយាលទទួលបានសេវាអប់រំល្អប្រសើរ។

ដោយទទួលបានការសហការពីមន្ទីរ-ការិយាល័យអប់រំយុវជន និងកីឡាខេត្ត-ស្រុកក្នុងខេត្តគោលដៅរបស់ខ្លួន គម្រោងកុមារកម្ពុជារីករាយបានរៀបចំវគ្គបណ្តុះបណ្តាលស្តីពីការប្រើប្រាស់បច្ចេកវិទ្យា ព័ត៌មាន និងទំនាក់ទំនង ដល់សាលារៀនគោលដៅទាំងអស់ដែលជាផ្នែកមួយអាចជួយសម្រួលកិច្ចការប្រចាំថ្ងៃរបស់នាយកនាយិកា និងលោកគ្រូអ្នកគ្រូក្នុងកិច្ចការសាលារៀន។