កាលពីថ្ងៃទី១៧ ខែមីនា ឆ្នាំ២០២១ ក្រុមប្រឹក្សាភិបាលថ្នាក់ជាតិនៃកម្មវិធីសាលារៀនជំនាន់ថ្មី ដែលដឹកនាំដោយឯកឧត្តម ឡោ ឆវណ្ណា ប្រធានក្រុមប្រឹក្សាភិបាល និងជាអគ្គនាយករងនៃអគ្គនាយកដ្ឋានអប់រំ បានធ្វើការប្រជុំតាមប្រព័ន្ធអេឡិចត្រូនិកដើម្បីពិនិត្យមើល (១) របាយការណ៍កម្មវិធីសម្រាប់ឆ្នាំសិក្សា២០១៩-២០២០ ដែលគ្របដណ្ដប់លើសកម្មភាពសំខាន់ៗ សមិទ្ធផល និងបញ្ហាប្រឈម (២) របាយការណ៍អំពីការវាយតម្លៃទទួលស្គាល់គុណភាពសម្រាប់សាលារៀនជំនាន់ថ្មីទាំង៦សម្រាប់ឆ្នាំ២០២០ (៣) ការធ្វើសាវនកម្មសាលារៀនជំនាន់ថ្មីដោយអាជ្ញាធរសាវនកម្មជាតិសម្រាប់ឆ្នាំ២០១៩ (៤) ការឆ្លងឯកសារទស្សនាទាននៃការពង្រីកកម្មវិធីសាលារៀនជំនាន់ថ្មី និង (៥) ការពិភាក្សារួមគ្នាដើម្បីដោះស្រាយបញ្ហាប្រឈម ការផ្ដល់អនុសាសន៍ពីក្រុមប្រឹក្សាភិបាលដើម្បីកែលម្អការអនុវត្តកម្មវិធី និងការធ្វើផែនការបន្ត។