អង្គការខេបបានរៀបចំទទួលដំណើរទស្សនកិច្ចមួយស្តីពីការផ្លាស់ប្តូរ បទពិសោធន៍នៅថ្ងៃទី ២ ខែឧសភា ឆ្នាំ២០១៣ ដែលដឹកនាំដោយ អង្គការ Live and Learn Environmental Education (LLEE) មានការចូលរួមពីគ្រូបង្គោល គ្រូស្ម័គ្រចិត្ត និងនាយកសាលា ដែលបាន អញ្ជើញមកពីខេត្តកោះកុង និងខេត្តព្រះសីហានុ ។ 

ទស្សនកិច្ចសិក្សានេះគឺមានគោលបំណងបង្ហាញអំពីបទពិសោធន៍ អនុវត្តគម្រោងរបស់អង្គការខេប ជាពិសេស កម្មវិធីសិស្សកុមារមេត្រី និងកម្មសិស្សសាលារៀនយឺត ។

លោក ហ៊ឹម ស៊ីមហួន ជានាយករងប្រតិបត្តិអង្គការខេបបានធ្វើការ ពន្យល់់បង្ហាញអំពីលទ្ធផល និងបទពិសោធន៍ដែលខេបបានកំពុងអនុវត្ត ក៏ដូចជា ផ្តល់នូវអនុសាសន៍ដល់ អង្គការដៃគូ ។ លោកបានបន្តថា​ អង្គការខេបបានធ្វើការបណ្តុះបណ្តាលអង្គការដទៃជាច្រើនតាំងពីឆ្នាំ ១៩៩៩ មក ។ អ្នកចូលរួមទស្សនកិច្ចនេះទាំងអស់មានចំណាប់ អារម្មណ៍ចំពោះសកម្មភាពគម្រោងអប់រំរបស់អង្គការខេប និងចង់ឲ្យ អង្គការខេបផ្តល់នូវមេរៀនពិសោធន៍ដ៏ជាច្រើនទៀតសម្រាប់យកទៅ អនុវត្តក្នុងការងាររបស់ពួកគេ ។