ព័ត៌មាន និងព្រឹត្តិការណ៍

សាលាឆ្លងកាត់ថ្មីជាក្តីសង្ឃឹមរបស់កុមារ ក្នុងស្រុកស្នួល~

Date : 2014-11-23

សកម្មភាពកសាងសាលាឆ្លងកាត់នៅភូមិថ្នល់ចំណុច អូរចឹង ឃុំ ស្វាយជ្រះ ស្រុកស្នួល ដែលមានជនជាតិភាគតិច ចំនួន ១០០គ្រួសារ និងសិស្សសរុប៨០នាក់៕ សព្វថ្ងៃពួកគេកំពុងតែរៀននៅក្រោមរោងដោលដែលមានតែ១បន្ទប់តែប៉ុណ្ណោះ និងប្រើគ្រូស្ម័គ្រចិត្តក្នុងភូមិនេះ។~ ដោយយោងលើតម្រូវការរបស់សហគមន៍នៅទីនេះ លោកប្រធានកម្រងសម្រេចសាងសង់សាលានៅទីនេះចំនួន១ខ្នង ០៣បន្ទប់ និងប្រើគ្រូកិច្ចសន្យារដ្ឋ ដោយមានការសហការណ៍ពីអាជ្ញាធរនៅទីនោះផងដែរ។ ចំពោះការសាងសង់នេះ ក៏មានការបដិភាគពីប្រជាពលរដ្ឋ ដូចជា គ្រឿងឈើ និងកំលាំងពលកម្ម ក្នុងនោះអង្គការ ខេប បានផ្ដល់ជាដែកប្រក់ដំបូល ។ បន្ទាប់ពីមានការឯកភាពគ្នាហើយពួកគេក៏បានសម្រេចដំណើការសាងសងនេះ នៅដើមខែធ្នូខាងមុខនេះ នៅលើផ្ទៃដី ទទឹង១០០ម និងបណ្តោយ១៥០ម ដើម្បីឱកូនៗរបស់ពួកគេបានរៀនសូត្រទាន់ពេល ។