គម្រោងងាយស្រួលរៀន(ក្រចេះ) បានរៀបចំវគ្គសិក្ខាសាលាថ្នាក់ក្រោមជាតិស្តីពី វឌ្ឍនភាពភាពសាលារៀនជាមួយអ្នកពាក់ព័ន្ធសំខាន់ៗ ដែលធ្វើឡើងនៅសាលាស្រុកសំបូរ ខេត្តក្រចេះ នៅថ្ងៃទី១៥ ខែធ្នូ ២០២៣។ សិក្ខាកាមចូលរួមដូចជា នាយកសាលារៀនចំនួន៩ក្នុងស្រុកសំបូរ និងក្រុមត្រួតពិនិត្យតាមដានការបំប៉នថ្នាក់ស្រុក (DTMT)។

សិក្ខាសាលាមានគោលបំណង៖

• បង្ហាញលទ្ធផល និងពិនិត្យវឌ្ឍនភាពនៃ DTMT ដែលគាំទ្រជួយសាលាក្នុងគម្រោង។

•  ការដឹកនាំ និងគ្រប់គ្រងសាលារៀនឱ្យមានប្រសិទ្ធភាព។

•  ដំណើរការរៀន និងបង្រៀនប្រកបដោយប្រសិទ្ធភាព មានគុណភាពខ្ពស់ (សិស្សជួយសិស្ស បណ្ណាល័យ និងផ្សេងៗ) ។

•  ភាពរីកចំរើនរបស់សាលារៀន (ហេដ្ឋារចនាសម្ព័ន្ន ទិន្នន័យសិក្សា) ។

•  លើកឡើងពីបញ្ហាប្រឈមសំខាន់ៗ និងស្វែងយល់អំពីអនុសាសន៍ថ្មីៗដើម្បីរៀបផែនការយុទ្ធសាស្រ្ដ។

សិក្ខាកាមតាមសាលារៀននីមួយៗបានធ្វើការបង្ហាញផែនការយុទ្ធសាស្ត្រសាលារៀន ការដឹកនាំ និងគ្រប់គ្រងសាលារៀន គុណភាពអប់រំកម្រិតសាលារៀន ការចូលរួមរបស់សហគមន៍ ផែនការសកម្មភាពក្រុមប្រឹក្សាកុមារ ទីប្រឹក្សាកុមារី និងកម្មវិធីសាលាកុមារមេត្រី។ សិក្ខាកាមបានចែករំលែកពីវិធីសាស្ត្រជួយសិស្ស វិធីសាស្ត្ររៀន និងបង្រៀន សកម្មភាពបណ្ណាល័យ និងអំណាន។ 

ការជំរុញដំណើរការការចូលរៀនរបស់កុមារគ្រប់អាយុឱ្យបានចូលរៀនទាំងអស់គ្នានៅសាលាបឋមសិក្សាគោលដៅឱ្យប្រសើរឡើង និងកែលម្អបរិស្ថានសាលារៀន ព្រមទាំងការបង្រៀន និងរៀនស្របតាមគោលនយោបាយសាលាកុមារមេត្រីនៅក្នុងសាលាគោលដៅ។

គម្រោងងាយស្រួលរៀន (ក្រចេះ) ទទួលបានហិរញ្ញប្បទានពីអង្គការឆាលហ្វានកូរ៉េ ដែលមានគោលបំណងចម្បងផ្តោតលើការលើកកម្ពស់គុណភាពនៃការអប់រំបឋមសិក្សាសម្រាប់កុមារទាំងអស់នៅស្រុកសំបូរខេត្តក្រចេះ៕